Teri khusboo nahi milti,tera lehja nahi milta

'Teri khusboo nahi milti,tera lehja nahi milta
Hamain to shehar mai koi,teray jaisa nahi milta

Yeh kis dhundh mai hum tum,safar-e-aghaaz kar baithay
Tumhain aankhain nahi milti hamain chehra nahi milta

Har ik tadbeer apni raaigaan tehri mohabbat mai
kisi bhi khwaab ko tabeer ka rasta nahi milta

Bhala is k dukhon ki raat ka koi madawa hai
Woh maa jis ko kabhi khoya hua bacha nahi milta

Musaafat mai duaa-e-abr un ka saath daiti hai
Jinhain sehra k daaman mai koi darya nahi milta

Jahan zulmat ragon mai apnay panjay gaar daiti hai
Is hi taareek rastay per diya jalta nahi milta'